<![CDATA[ صحيفة مدينة الحد الالكترونية | سوالف ام سعد ]]> http://www.hiddcity.com/news.php?action=listnewsm&id=19 الأخبار ar-sa Copyright 2026 - hiddcity.com Mon, 16 Mar 2026 20:51:39 +0300 Mon, 16 Mar 2026 20:51:39 +0300 سوالف ام سعد Dimofinf Rss Feed Generator 1440 <![CDATA[ مبروك يا هل الحد ]]> مبروك يا هل الحد الف مبروك لكم و الله فرحتونه من زمان ما فرحنه ما قصرتوا رفعتوا راسنه بهالكاس كاس ملكنا حمد الله يطول في عمره مره ثانيه مبروك للجميع عود و صغير .

]]> http://www.hiddcity.com/news.php?action=show&id=4181 Mon, 06 Apr 2015 23:58:00 +0300 <![CDATA[ يدعمون و يشردون ]]> السلام عليكم الله يسلمكم من الشر سالفتي اليوم عن الدعمات وه اصاير في الديرة كل يدعم و يمشي ما صارت وراه السيارة ببلاش ابيزات كل واحد حك سيارة وافقة و مشه جنه ما سوه شي . هذي في ذمتك يا الداعم يا اللي ما تخاف من الله . بنت يرانه مسكينة ما دري من دعم سيارتة و مشه و صلحتها على حسابها ب 220 دينار . و واحد سيارته واقفة عند بيته حكوها له و اشردوا قولوا هذي حديد ما يخالف لكن اتتي وحده بسيارتها ادرفع اصبي على السيكل و تشرد كأن ما صار شي وراه قطو ولا فار الصبي تشتر ويهه و يده و ريله ولا همها داسته و محد عرفها . وصاتي لكم يا جماعة الخير اذا احد منكم دعم يوقف و يسأل عن راعي السيارة و يتفاهم معاه و اذا احد منكم جاف واحد دعم سيارتة احد و شرد ياخذ رقمه و يعطيه راعي السيارة . و دمتوا في حفظ الله

]]> http://www.hiddcity.com/news.php?action=show&id=467 Wed, 17 Oct 2012 23:25:00 +0300 <![CDATA[ يهال على السياكل ]]>

السلام عليكم يا اعيالي جيف حالكم ان شاء تكونون بخير بطيت عليكم وااااايد ادري لكن شاسوي مهرة البيت و العيال ما تخلي لي تيم اسولف معاكم سالفتي اليوم عن اليهال اللي يدرون جماعات جماعات على السياكل وسط الشوارع ما يخافون من سيارير ولا يحطون بالهم على اللي ماشي بالرستة لكن شاقول بعد الشرهة مو عليهم الشركة على ابهاتهم و امهاتهم ما ينشدون عن اعيالهم الي الليل هايتين فوق السياكل انت يا الابو ما تقول وين ولدي راقد يراجع دروسه هايت في السكيك و انت يا الام وينج عن ولدج تدرين وين يروح وين ايي حطو بالكم عدل على اعيالهم تراهم نعمة من رب العالمين

]]> http://www.hiddcity.com/news.php?action=show&id=435 Fri, 12 Oct 2012 01:51:00 +0300 <![CDATA[ السيارير في الحد ]]> يا اعيالي اول ما كانوا السيارير هلون في الحد كانوا اشوي الحين وين ما يروح الواحد يلقه في ويه سيارير ما لها عد . بقعه ولا يعطون سيد للماشي كله مستعيلين و يدهم على الهرن ديد و ديد ديد و ديد اذوا الناس و المرور ما قط جفناه في الحد و اذا سوو له تلفون ما ايي الا عقب ساعة او ساعتين . و لين اده نص الليل ما نسمع الا اصوتت التقحص وسط الديرة ما يحسون عيايز مريضة رياييل وراهم صلاة صبح و شغل لا مافي احساس و له حاجيت الواحد منهم قال كيفي عندكم رقم جدام و رقم وره روحوا اشتكوا بعين قوية . لكن ما الا حسبي الله عليهم . و البنات بعد في نصايف الليل ويمكن بعد اجوفهه طايفة في الشارع بموترها رايحه البيت لا حسيب ولا رقيب بعد يايه من الشغل اقول معليه لين نشديتها تقول يايه من عند صديقتي . هذي اخر زمن الله يستر علينا و على اعيالنا .

]]> http://www.hiddcity.com/news.php?action=show&id=313 Sat, 22 Sep 2012 19:25:00 +0300